Loading Events
Ljóðstroymin, Ókeypis | SALT

Kafé SALT

Nær

22. mars 2023 kl. 18:00

Longd

Áleið 4 tímar

Hvar

SALT

Kafé SALT

Almenn kvøldseta og útvarpssending í kvøld klokkan 19.00:

Fjølmiðladeildin hjá Mentanarhúsinum Salt, kallað Radio Salt, og Kringvarp Føroya skipa í kvøld fyri ‘Café Salt’, sum er útvarpssending við áhoyrarum. Ókeypis atongd.

Skráin er fjølbroytt. Vágskonan, Annie O. Eysturoy, greiðir frá mongu árum sínum uttanlands, har hon nam sær útbúgving á lærdum háskúla í Eysturríki og seinni undirvísti í enskum og sponskum bókmentum í USA og Spania.

Tvøramaðurin og lærarin, Jákup Jensen, er vanur at siga ferðafólkum frá heimbygd síni og í kvøld fer tað at gagna okkum lurtarum, tá Jákup fer at greiða frá ‘Valinum’ við tí góða veðurlagnum. Valurin er býlingur við serstakari søgu.

Verturin fer eisini at fregnast hjá Sunnvu Kjærbo og trimum børnum í Sumba, sum koma á gátt í Salt at siga frá føroyski dansinum millum ung í bygdini.

Húsorkestrið manna Dagfinn Olsen, Hjalmar Magnussen, og Arni H. Carlsen. Men tað er ikki einasti tónleikurin á skránni. Kórið ‘Blandað Drops’ í Vágs Skúla fer at syngja tveir sangir, og vit hoyra eisini ein innspældan sang, sum ‘Gundurs Studioorkestur í Trongisvági’ gevur gjørt um ein Havnartúr, sum mong okkara fara at kenna okkum aftur í.

Áðrenn Húsorkestrið spælir seinasta sangin á kvøldsetuni, fara tveir sjónleikarar at spæla ein framtíðarsketsj um bæði mjøl og proteinir. Men meira verður ikki avdúkað.

Soleiðis sær skráin út og tú ert vælkomin á gátt í kaffistovuni við tí góða útsýninum at uppliva hetta. Dyrnar lata upp klokkan seks og Café Salt sendingin byrjar í útvarpinum klokkan sjey í kvøld. Talan er um reint útvarp, sendingin verður ikki stroymað.

Dyrnar lata upp kl.18.00

Mentanarhúsið Salt og Kringvarp Føroya

Hvar