Bergen international summit

Nýggjar tíðir, nýggj átøk, nýggjar fatanir, nýggir livimátar.

Ein virus, sum hevur broytt heimin. Hvussu ber ikki til at siga enn, men tað fer vissiliga at krevja innlit, empati, kreativitet, samskifti, vitan og stríð. Á ársins digitalu versión av Bergen International Summit verður leikluturin hjá mentan og list í arbeiðnum, sum liggur fyri framman, granskaður.

Toppfundurin verður skotin í gongd av limum úr býraðnum í Bergen, stýrislimum úr Festspillene og umboðum fyri norsku stjórnina.

Koronakreppan byrjaði sum ein heilsukreppa – ein farsótt, har tey eldru eru ein serliga viðkvæmur bólkur. Dr Ipsit Vahia, professari í psykiatri við Mclean Hospital, sum er knýtt at Harvard Medical School, fer at bjóða okkara fatan og sjónarmiðum um tey eldru og teirra nýtslu av tøkni av.

Farsóttin er heimsumfevnandi, og øll lond og allir býir eru raktir av kreppuni. Dr Catarina Vaz Pinto frá býráðnum í Lissabon, deilir sínar royndir frá einum altjóða og lokalum sjónarhorni. Eisini fer leiðarin í norska mentanarráðnum Kristin Danielsen at hugleiða um støðuna í Noregi nú og avbjóðingarnar, sum liggja fyri framman.

Fíggjarligu og mentanarligu avleiðingarnar av koronavirusfarsóttini eru ovurstórar og ringar at fáa greiðu á. Professari í mentanarbúskapi Pier Lugi Sacco frá IULM universitetinum í Milano og gestaprofessari á Harvard University fer í sínum innslagi at lýsa hvussu mentan og list kunnu vera avgerandi fyri, hvussu vit sum samfelag kunnu koma saman og loysa avbjóðingarnar, sum fara at merkja heimin í langan tíð.

Harafturat hitta vit Bettina Husebø, professara við Institutt for global helse og samfunnsmedisin við Universitetið í Bergen, John Arne Røttingen, stjóra fyri granskringarráðið í Noregi og Dag Rune Olsen, rektara.

Einar Selvik frá Wardruna, myndlistafólk Sissel Blystad, dansari Daniel Mariblanda og tónleikari Kjetil Møster standa fyri listaligu innsløgunum.

Orðstýrari er Harm-Christian Tolden, leiðari fyri mentan, margfeldni og javnstøðu í Bergen kommunu.