Um okkum

SALTDrelnes 22
827 Øravík
Tlf. nr. 28 57 70

Samband: salt@salt.fo
rokningar: bokhald@salt.fo
Húsavørður: roi@salt.fo ella tlf nr. 58 35 23

Vælkomin á salt.fo !

Vit vita, at fólk eru forvitin eftir at fáa kunning um SALT, og tí hava vit glett okkum til at fáa heimasíðuna lidna, so at vit hava nærri samband við borgaran.

SALT hevur millum ár og dag tikið ímóti hópin av gestum, bæði føroyingum og útlendingum, serliga síðan apríl mánaða í fjør, tá ið reglulig tiltøk fóru av bakkastokki.

Men tað er samstundis eingin loyna, at byggingin av SALT hevur verið ein drúgvur, seigur og mangan trupul róður, og at byggitilgongdin hevur verið ein forðing í gerandisdegnum.

Enn eru tíverri nakrir manglar eftir, hóast hesir eru sera fáir og avmarkaðir. Men, sum onkur hevur sagt, einki er liðugt, fyrr en alt er liðugt, og ti mugu fólk hava eitt sindur av tol áðrenn SALT koyrir við fullari skrúvu.

Hóast forðingar og bágar, so hevur SALT síðan fjørvár lagt doyðin á at royna at kjølfesta húsið í hjørtunum á brúkarunum. Her hava verið tiltøk í húsinum, sum hava fingið fólk at flent, tárað, undrast, dripið høvur og klappað. Og vit hava lagt stóran dent á at bjóða bæði teimum gomlu í allari oynni og børnunum at vera partur av ríkum upplivingum.

Nú síggja vit øll fram til, at byggingin verður løgd endaliga afturum bak, so at allar góðar kreftir kunnu miðsavnast um innihaldið, bæði tað gerandisliga og í visionerum framtíðarhøpi.

Næsta stigið verður at lata dyrnar upp í SALT, so at opið er fastar tíðir.

Tit frætta frá okkum so hvørt sum líður !