SALT Bio: Poor Things

Nýggi filmurin hjá groteska grikska meistaranum, Yorgos Lanthimos (f.1973), hevur vunnið 37 virðislønir, m.a. sum besti filmur í Venezia.

Eins og allir filmar hjá Lanthimos fer filmurin fram í einum alt annað enn vanligum umhvørvi. Poor Things byggir á skaldsøgu hjá Alistair Grey frá 1992, og kann lýsast sum ein romantisk Frankenstein-søga, har Oscarvirðislønta Emma Stone hevur høvuðsleiklutin sum unga Bella, sum granskarin Godwin (Willem Dafoe) fær aftur til lívs.

Undir hansara vernd, letur ein nýggjur heimur seg upp fyri Bellu, men tá hon møtir amoralska advokatinum, Duncan (Mark Rufallo), rýmir hon saman við honum út í heim, vil gera seg leysa av moraliserandi høftum og fer at stremba eftir javnrætti og frígering. Yorgos Lanthimos hevur fyrr gjørt filmarnar Dogtooth, The Lobster og The Favourite.