Føroya Landsorkestur

Kom og hoyr frálíka ljóðið av næsta ættarliðnum av Føroyskum tónleikarum.

Føroya Landsorkestur er samansett av nøkrum av gávuríkastu ungu tónleikarunum í landinum. Bernharður Wilkinson stjórnar orkestrinum, sum fevnur um træblásarar, messing og slagverk (og kontrabass). Á fjølbroyttu skránni til konsertina eru m.a. útsetingar av vælkendum orkesturverkum, filmstónleikur, tónleikur úr sangleikum, jazzur og nýggj verk skrivað serliga til harmoniorkestur.

Konsertin er ókeypis.