Jólaperlur við Tóru Vestergaard

Kom og uppliv eina serliga jólakonsert har songkvinnan, Tóra Vestergaard fer at framføra eina perlurøð av jóla-klassikarum.
Skráin er fjølbroytt og fevnir bæði rútmiskan-, fólka- og klassiskan jólatónleik.

Við sær hevur Tóra nakrar av fremstu tónleikaúrmælingum í Føroyum:

Kristina á Váli á cello, Elsa Maria Dam á floytu og Jóhannes Andreasen á flygel.

Hetta leygarkvøldið fara vælkendir, eins og forkunnigir tónar, at fylla siloina og teg við friði og jólastemningi.